BKK من أجل الحرية والخير
– كان نفسي أفرح بأيام الثورة بعد ما صدقنا إننا انتصرنا .. وكان نفسي النهاردة نكون بنبني بلدنا مش لسة بنفكر إزاي نخلص من مجرميها.
– كان نفسي الكبار يفضلوا كبار .. والصغار يكبروا .. للأسف .. بعض الكبار صغروا .. وبعض الكبار مش عايزين حد يكبر .. وبلدنا بتصغر بسببهم.
– كان نفسي أشوف الشعب متجمع حوالين رئيس اختاره .. مش خايف إن العسكر يغدروا باختياره .. ويجيبوا لمصر كلب من كلاب امبارح.
– كان نفسي الغلاية يحسوا بأمل في بكرة .. مش إن المرتاحين يخافوا من بكرة .. والكل يخاف من العسكر اللي كانوا أملنا كلنا في أول أيام الخير.
– كان نفسي إني أحس ان بلدي شايلة هم الفقرا .. مش بتفكر إزاي تحمي المجرمين .. كان نفسي نحل مشاكل الناس .. مش نضيف لهمومهم هموم وهموم. كان نفسي أكون بابني .. مش قلبي بيبكي.
– كان نفسي بكرة يكون أحلا .. ولسة متأكد إن بكرة حايكون أحلا .. بس الظاهر الطريق طلع طويل .. ونفس ناسنا قصير .. وعدونا احباله طويلة .. لكن أملنا في الله كبير .. وما دامه حامي ثورتنا .. حافضل مصدق إن بكرة حايكون أحلا.
د باسم خفاجي
في 23 يونيو 2012م
