أخبار عاجلة
[huge_it_slider id="1"]

أحياناً !

حنين الروح 11.jpg

– أحيانا .. إنشغالنا أن يكون “شكلنا صح” .. يؤدي إلى أن نحيا حياة كلها “غلط” . – أحيانا .. نبدأ نكذب علشان نخرج من إحراج .. وبعدين نكذب لأنه أسهل .. وبعدين نكذب لأنه أريح .. وبعدين نكذب لأننا اتعودنا نكذب .. ونكتب عند الله كذابين .. أحياناً – أحيانا .. من حبنا للدين .. نقلد رجال الدين .. وبعدين نمثل إننا زيهم .. بس احنا من جوا مش متدينيين .. وبعدين يقولوا علينا الناس إننا من بتوع الدين .. ونصدق .. ونعيش التمثيلية .. وجوانا نفس بتحب الدين .. بس لسة مش قادرة على تبعاته .. فنمثل .. ونعبش حياتنا بوشين .. واحد قدام الناس .. وواحد قدام ربنا .. واللي قدام ربنا أوحش بكثير من اللي الناس شايفاه .. وبرضه ربنا يرحمنا ويسترنا .. ونرجع نمثل .. أحياناً. – أحيانا .. عايزين ننجح من غير ما نتعب .. عايزين أسانسير لفوق .. مش عايزين نطلع السلم .. نجيب كل مظاهر النجاح .. والتليفون والساعة والخاتم والبدلة .. بس من جوانا عارفين إحنا قد إيه كسالى .. بس برضه مصرين على إننا ممكن ننجح من غير ما نتعب .. والحل .. نمثل .. نستعجل .. نستلف .. نكمل منظر النجاح .. ولكن جوانا عارفين ان النجاح مش تمثيلية .. بس برضه بنمثل .. أحيانا. – الحياة قصيرة .. والقبر قريب .. وساعتها مافيش تمثيل .. وقبل ما تمشي .. كل الناس حاتعرف .. والحدوتة لازم تخلص .. آخرها حايكون إيه .. برضه تمثيل وكذب وتقليد .. طب ما كل الوقت اللي ضيعناه في التمثيل وفي حبك الحدوتة .. لو اشتغلنا فيه .. مش يمكن يكون أحسن .. ما فيش تمثيلية نهايتها سعيدة ولا حزينة .. إلا والناس في الآخر حاتعرف إنها كانت تمثيلية .. يمكن ساعتها ما تكونش موجود .. بس كلام الناس بيفضل عايش بعدك كثير .. بلاش تمثل! د. باسم خفاجي في 31 أكتوبر 2012م

عن محرر

شاهد أيضاً

المصاعب ! 7 مارس [66] من كتاب: عام من الأمل 365 خاطرة حول الأمل والحياة

المصاعب ! المصاعب التي تمر بها اليوم .. تعطيك القوة التي ستحتاجها غدا مجهول فكر: …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

[metaslider id=14341]