أخبار عاجلة
[huge_it_slider id="1"]

بدون عنوان

____________________2_652367398.jpg

– تعبت نصائح … تعبت من ألم الاحساس ان بلدك بتقع امامك بإيد اخوانك .. وانت مش قادر الا انك تتكلم .. وتحذر .. وتقول خلي بالكم .. المركب حاتغرق.. واخوانك بطلوا يسمعوا الا صوتهم. 

– حاجة من اثنين: يا تسكت لان ماحدش سامعك ولا عايز يسمعلك .. يا تحاول انت تخدم بلدك .. وساعتها حاتخسر اخوانك .. لأنك مش حاتكون طور في ساقية .. حاتحاول تعدل الكفة .. ومش حايسيبوك لانهم مصممين انهم صح .. لازم ساعتها تخسرهم .. لأنهم حايحاولوا يخلوك تفشل .. حايتهموك بكل عيب .. ولازم تسكت لانهم اخواتك. يارب خرجني من الحيرة.

– لا انا قادر اسكت .. ولا انا عايز اخسر اخواني … ولا قادر افضل واقف مكاني .. وعارف لو مشيت للامام .. المشاكل مش حاتقل بسرعة .. بل حاتكتر. عارف اني واحد .. عارف حدودي وضعفي .. واني اقل من اني اكون احسن من مجموعة اكبر مني .. لكن مش قادر اشوف بلدي بتقع وانا باتفرج .. واخواتي بيغرقوا ومصممين يروحوا بعيد اكثر .. يارب بلدي.

– حاسيب الكتابة والفايس والتويتر وموقعي وكل ده كام يوم لغاية لما احل المشكلة دي مع نفسي .. انا اصلا خرجت برة مصر علشان اعرف افكر لوحدي. انا مش عارف انا باكتب ليه … بس الحيرة حاتجنني. لا قابل اسكت ولا راضي بلدي تتهان ولا عايز اخسر ناسي ولا اقدر افضل بس اكتب. 

– ممكن اكون ولا حاجة جنب كل اللي احسن مني .. لكن مش ناوي برضه ابخل على بلدي. اللي عايز يشتم ويهزأ يتفضل .. لأني حاغيب شوية ومش حارد على حد دلوقت. 

– واللي عنده نصيحة يتكرم ويكتبها. وبعد كام يوم .. طالوا والا قصروا .. حارجع هنا تاني .. ان كتب الله ذلك .. بس مش حارجع محتار .. لازم حاوصل لقرار .. ومصر تستاهل .. 

– حياتنا رحلة لازم يكون ليها فايدة .. ولازم ندفع زكاة نعم ربنا علينا وبلدنا اولى من غيرها.

– الى لقاء .. ان قدر الله

د. باسم خفاجي
في 4 نوفمبر 2012م

عن محرر

شاهد أيضاً

لا تكن “عاديا” ! 5 مارس [65] من كتاب: عام من الأمل 365 خاطرة حول الأمل والحياة

لا تكن “عاديا” ! إن حاولت دائما أن تكون “عاديا” .. فلن تعرف أبدا كم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

[metaslider id=14341]