أخبار عاجلة
[huge_it_slider id="1"]

عايزين نعيش!

1_20.jpg

 

صفوت براءة كمان. سبحان الله .. المظلوم اللي لسة في السجن اذن مبارك وولاده .. وعلى حس زيارة نجاد والاحتفاء به نستلهم عبارة “عجل الله فرجهم” من سرداب ظلم الثورة لهم كمان.. كله بيطلع براءة … بس يبدو الشهداء هما اللي كانوا غلطانيين. كانوا يا حرام فاكرين انهم سايبيين وراهم ناس تعرف تجيب حقهم. معليش بقى .. في الثورة الجاية لما تموت خليك عارف حانعمل ايه بعدك ..وحانطلع براءة اللي قتلك .. لأننا احنا عايزين نعيش .. حتى لو عيشة بنفس مكسورة عايزين نعيش .. معليش بقى يا شهيد .. هيا جت فيك .. بس احنا دلوقت مشغولين .. والسلطة حلوة وليها بريق .. وحانفضل نوعد اننا حانجيب حق الشهيد .. وحانفضل نخطب وعنيننا تدمع مع منى وسعد واديب .. بس ساعة الجد .. لازم نقولها بجد .. الحكاية ببساطة .. اننا عايزين نعيش .. معليش يا شهيد. بالحق نسيت اقولك قبل مارجع ابيع .. عندنا دلوقت ناس كثير بتعرف تبرر وتفسر وتشتم وتحارب كل رأي يضايقنا والا يقلل فرصتنا في اننا نعيش .. ناس علم ونخبة ومناظر ومناصب .. بس بجد ملوك التبرير .. الظلمة في كل مكان حاسدينا عليهم .. بيخلوا اي حاجة حلال .. واي حاجة نعملها ليها تفسير .. بجد محسودين عليهم لانهم شايلين عنا حمل كبير .. معليش بقى بالمرة ما تزعلش لو مع الوقت طلعناك مجرم .. مش شهيد .. ما انت بقى عارف .. عايزين نعيش. 
 
د. باسم خفاجي
7 فبراير 2013م
 

عن محرر

شاهد أيضاً

سلسلة مقالات الثورة (15) – نحتاج إلى ثورة !

في العام الماضي كتبت أننا لا زلنا بحاجة إلى ثورة .. وفي العام الذي قبله …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

[metaslider id=14341]