أخبار عاجلة
[huge_it_slider id="1"]

هو مافيش احتمال إني أكون إنسان عادي!

22 (1).jpg
– طول الفترة اللي فاتت .. أنا مغرض .. ضد التيار الإسلامي .. ضد الإسلام .. زي البرادعي .. متهور .. تحليلاتي كلها غلط .. نيتي مش كويسة .. كاره للإخوان .. وكاره للسلفيين .. وكاره للدولة العميقة وكاره للفلول .. وكاره لنفسي حتى .. كل ده فيا لأني باكتب رأي؟ 
 
– طيب مافيش احتمال إني إنسان عادي .. بيفكر وبيعبر عن تفكيره. ساعات صح وساعات غلط بس نيته عادي يعني كويسة. مافيش احتمال إني إنسان محب لوطنه بطريقته ومش حابب يمشي ورا حد ولا يسلم دماغه لحد. 
 
– مافيش إحتمال إني باكتب وباشتغل علشان أنفع بلدي ونفسي وأهل وطن. مافيش احتمال إني باحلم لبلدي بحاجة أحسن من الموجود دلوقت؟ 
 
– مافيش اجتمال إني بجد مستقل .. مش إخواني مستخبي .. ولا سلفي مستخبي ولا علماني مستخبي. مافيش احتمال إني أكون مسلم مصري وبس. 
 
– يا جماعة أنا قربت أصدق إني شيطان .. كل أفكاري وراها نوايا سيئة لحد .. حرام عليكم دا كل اللي يعرفني يعرف كويس أن ده مش أنا. العجيب إن ناس لا عمرها قابلتني ولا عمرها شافتني .. مقتنعة تماما إنها عارفة مين أنا؟ 
 
– ناس بتقول لك أنت بتاع كلام وبس .. نقول لهم عملنا مهما عملنا يقولك كلام وبس .. طيب وانت متوقع في الفايس تشوف إيه إلا رأي .. وبعدين أنا باشتغل في الدنيا دي من 27 عاما .. من أصغر شغلة إلى رئيس مجلس إدارة .. معقولة ما تعلمتش حاجة طوال السنين دي.  
 
– على فكرة أحلامي لمصر لا تنتهي .. ومش ناوي أبطل أشتغل .. ولا أبطل أكتب .. ولا أبطل أفكر في أحسن حاجة أخدم بيها الإسلام ثم مصر. مش ناوي أبطل .. من الآخر كده. اللي مضايقة مين أنا .. ربنا يعينه يستحمل بقى. 
 
– أريحكم: أنا مسلم مصري مستقل وبس .. حاولوا بس تشوفوا الاحتمال ده. ارجعوا لكتاباتي طوال السنين اللي فاتت .. دا أنا باكتب من 19 سنة .. مش امبارح يعني. طول عمري زي ما أنا .. ومش حاتغير على كبر .. ومصر في فلبي .. والإسلام هو كل ما أملك .. والتوفيق من ربنا وبس .. وحلوا عني بقى. 
 
د. باسم خفاجي
19 إبريل 2013م
 

عن محرر

شاهد أيضاً

سلسلة مقالات الثورة (15) – نحتاج إلى ثورة !

في العام الماضي كتبت أننا لا زلنا بحاجة إلى ثورة .. وفي العام الذي قبله …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

[metaslider id=14341]